తెలంగాణ ఆర్టీసీ బస్సుకు త్రుటిలో పెను ప్రమాదం తప్పింది. తల్లాడ మండలం మెట్టుపల్లి గ్రామ సమీపంలో సత్తుపల్లి నుంచి సుమారు 30 మంది ప్రయాణికులతో ఖమ్మం వెళ్తున్న ఆర్టీసీ బస్సు ఎదురుగా వస్తున్న లారీని బలంగా ఢీకొట్టింది. ఈ ప్రమాదంలో బస్సులో ఉన్న ప్రయాణికులకు స్వల్ప గాయాలు కాగా బస్సు డ్రైవర్ క్యాబిన్‌ ఇరుక్కుపోయాడు. ప్రమాదం గమనించిన దగ్గరలోని గ్రామస్తులు అక్కడకు చేరుకొని డ్రైవర్‌ని బయటకు తీశారు. అనంతరం 108 ద్వారా హాస్పిటల్‌కి తరలించారు. ప్రస్తుతం ఆయనకు వైద్యులు చికిత్స అందిస్తున్నారు. డ్రైవర్ పరిస్థిత కొంత విషమంగా ఉన్నట్లు తెలుస్తోంది. ఈ ఘటనలో ఎలాంటి ప్రాణనష్టం సంభవించకపోవడంతో ప్రయాణికులు, అధికారులు ఊపిరిపీల్చుకున్నారు. కాగా ఈ ప్రమాదం బ్రిడ్జిపై జరగటం వల్ల ట్రాఫిక్ అంతరాయం ఏర్పడింది.

*తెలంగాణాలో కరోనా పంజా👊🏻.*
*గత 24 గంటల్లో 2,751 కొత్త కేసులు, 9 మరణాలు.*
*తెలంగాణా రాష్ట్రంలో కరోనా వైరస్ విజృంభిస్తోంది.*
కరోనా వైరస్ పాజిటివ్ కేసుల సంఖ్య వేల సంఖ్యలో నమోదవుతోంది.
నిత్యం మూడు వేలకు చేరువగా కరోనా కేసులు నమోదు అవుతున్నతీరు తెలంగాణ ప్రజలకు ఆందోళన కలిగిస్తుంది.
అధికారికంగా కంటే, అనధికారికంగా ఉన్న కేసుల సంఖ్య ఎక్కువగా ఉంటుందని చాలామంది వైద్య నిపుణులు అంచనా వేస్తున్నారు.
ఇప్పటికే తెలంగాణ రాష్ట్రంలో మొత్తం కేసులు ఒక లక్ష 20 వేలకు పైగానే ఉన్నాయి.
గడచిన 24 గంటల్లో కొత్తగా నమోదైన పాజిటివ్ కేసుల సంఖ్య 2751 కాగా కరోనాతో 9 మంది మృతి చెందారు.
దీంతో ఇప్పటి వరకు మొత్తం కరోనా మృతుల సంఖ్య 808 కి చేరింది.
ఇక తాజాగా 1675 మంది కరోనా బాధితులు కోలుకొని ఆసుపత్రి నుండి డిశ్చార్జ్ అయ్యారు.
ఇప్పటివరకూ తెలంగాణ రాష్ట్రంలో డిశ్చార్జ్ అయిన మొత్తం కరోనా బాధితుల సంఖ్య 89,350 మంది.
ఇప్పటివరకు తెలంగాణ రాష్ట్రంలో 12 లక్షలకు పైగా కరోనా పరీక్షలు నిర్వహించినట్లుగా తెలుస్తుంది.
యాక్టివ్ కేసుల సంఖ్య 30,008గా ఉందని వైద్య, ఆరోగ్య శాఖ బులిటెన్ లో వెల్లడించింది .
తెలంగాణ రాష్ట్రంలో కొత్తగా నమోదైన కరోనాకేసులలో జీహెచ్ఎంసీ పరిధిలోనే ఎక్కువ కేసులు ఉన్నట్లుగా తెలుస్తుంది.
జీహెచ్ఎంసీలో అత్యధికంగా 432 కేసులు నమోదయ్యాయి.
ఆ తర్వాత రంగారెడ్డిలో 185, మేడ్చల్ జిల్లాలో 128 పాజిటివ్ కేసులు నమోదు అయినట్లుగా తెలుస్తోంది.
దేశవ్యాప్తంగా కరోనా బాధితుల రికవరీ రేట్ చూస్తే 76.49 శాతంగా ఉంది. తెలంగాణ రాష్ట్రంలో చూసినట్లయితే 74.3 శాతంగా ఉంది.
కరోనా కేసులు పెరుగుతున్నప్పటికీ , రికవరీల రేటు కూడా బాగానే ఉండటంతో ప్రభుత్వాలు ఊపిరి తీసుకున్నాయి.
మీకు బైక్ ఉందా? లేదంటే స్కూటర్ కలిగి ఉన్నారా? ఇవి రెండూ కాదు ఏకంగా కారు ఉందా? అయితే మీకు శుభవార్త. కేంద్ర ప్రభుత్వం తాజాగా కీలక నిర్ణయం తీసుకుంది. వాహనదారులకు ఊరట కలిగించే ప్రకటన చేసింది. వెహికల్ డాక్యుమెంట్ల వాలిడిటీని పొడిగిస్తూ నిర్ణయం తీసుకుంది.
మోదీ సర్కార్ తాజాగా మోటార్ వెహికల్ డాక్యుమెంట్లు అయిన వెహకల్ రిజిస్ట్రేషన్ సర్టిఫికెట్, ఫిట్‌నెస్ సర్టిఫికెట్ సహా ఇతర వెహికల్ డాక్యుమెంట్ల వాలిడిటీని పొడిగిస్తూ నిర్ణయం తీసుకుంది. 2020 డిసెంబర్ 31 వరకు ప్రభుత్వం గడువు పొడిగించింది.
కరోనా వైరస్ (కోవిడ్ 19) ప్రతికూల పరిస్థితుల్లో కేంద్ర ప్రభుత్వం ఈ నిర్ణయం తీసుకోవడం గమనార్హం. మోదీ సర్కార్ తాజా నిర్ణయంతో వాహనదారులకు చాలా ప్రయోజనం కలుగనుంది. తాజా నిర్ణయంతో ప్రజలకు డాక్యుమెంట్ల రెన్యూవల్‌కు ఎక్కువ గడువు అందుబాటులోకి వస్తుంది.
సింపుల్‌గా చెప్పాలంటే వెహికల్ డాక్యుమెంట్లు ఏమైనా ఎక్స్‌పైరీ అయ్యి ఉంటే.. ఇప్పుడు ఇవి డిసెంబర్ 31 వరకు చెల్లుబాటు అవుతాయి. అంటే ఈ ఏడాది లోపు ఎక్స్‌పైరీ అయిన డాక్యుమెంట్లను రెన్యూవల్ చేసుకుంటే సరిపోతుంది. డ్రైవింగ్ లైసెన్స్ కూడా ఎక్స్‌పైరీ అయ్యి ఉంటే దాన్ని కూడా డిసెంబర్ లోపు రెన్యూవల్ చేసుకోవచ్చు.
